Paltaryuyan maşın almadan öncə bir sıra suallar ortaya çıxır. Ən vacib sual hansı maşınlara daha çox etibar etməklə bağlıdır. Fins.az araşdırmasında bu suallara cavab verməyə çalışıb.
Paltaryuyan maşın bahalı texnikadır və onun seçiminə ciddi yanaşmaq lazımdır. Mağazalardakı model müxtəlifliyini görəndə daha optimal seçim etməyimiz çətinləşir. İstifadəçilərə kömək etmək niyyəti ilə ən etibarlı və davamlılığı ilə seçilən paltaryuyan maşınların reytinqini sizə təqdim edirik.
1. Bosch WLG 20061 OE
“Bosch” brendinin modelləri böyük qiymət diapazonunda təqdim olunur. Bu model daha sərfəli olanların sırasındadır, lakin funksionallığı digər analoqlardan heç də geri qalmır. Modelin dərinliyi 40 sm təşkil edir, maksimal yük götürməsi – 5 kq, enerji effektivliyinin səviyyəsi A-dır. Texnikanın xüsusiyyəti unikal 3D-AquaSpar barabanının olmasıdır. Baraban yuma zamanı camaşırların eyni formada nəmlənməyinə kömək edir, əlavə su verilməsinə imkan yaradır.
Bu markanın qiyməti - təqribən 800 manat
2. Samsung Ecobubble
Bu paltaryuyan maşın ilə sizin qarşılıqlı əlaqəniz minimuma çatdırılıb. Daim yuyucu tozu yükləmək ehtiyacı olmayacaq. Siz bunu 1 dəfə edə bilərsiniz və bu 1 aylıq istifadəyə kifayət edəcək. Smartfon üçün xüsusi proqram yükləyərək, siz texnikanı uzaqdan idarə edə bilərsiniz. Maksimum doldurma – 12 kq.
Maşının qiyməti təqribən 1500 manatdır.
3. Electrolux EWW 1686 HDW
Bu maşın 4 və daha artıq insan olan ailələr üçün gözəl seçimdir – 8 kq-dək camaşır yükləmək imkanı verir. Bundan başqa qurutma cihazı var (7 kq-dək), lakin yüksək fırlatmadan (1600 dövriyyə/dəqiqə) sonra camaşırlar yarınəm çıxırlar. İstehsalçının inventor motoru quraşdırması enerjieffektivliyinin A səviyyədə saxlayır.
Sadalanan xüsusiyyətlərin qarşılığında qiymət olduqca əlverişlidir - təqribən 2000 manat.
4. SIEMENS WS 10G160 OE
Azbüdcəli, təsirli dizaynı və çoxfunksionnalığı olmayan alman modeli iki əsas məsələni mükəmməliyi ilə həll edir. Funksiyaların minimumu keyfiyyət və məhsuldarlığa təsir etməyib.
Qiyməti də çox baha deyil - təqribən 800 manat.
5. Bosch WIS 28440
7 kq-a qədər yükləmək imkanı verən quraşdırılma modeldir. Köpük nəzarəti, uşaqlardan müdafiə, fırlanma sürəti 1400 dövriyyə/dəqiqə kimi funksiyaları var. Baraban paslanmayan poladdan hazırlanıb.
Paltaryuyanın qiymət- təqribən 2400 manatdır.
6. Electrolux EWF 1408 WD
Reytinqimizin ən çox yükləmə imkanı olan modeli – 10 kq-dək. Bu gücdə çalışan maşının enerji effektivliyinin səviyyəsi A-dır. Üstünlüklərdən – buxar ilə işləməsi, xoşagəlməz qoxuları aradan qaldırır və ütüləmə prosesini asanlaşdırır. Maşının camaşır ölçən funksiyası da var. Bu funksiya işlədəcəyi suyun miqdarını da hesablayır.
Paltaryuyanın qiyməti təqribən 2000 manatdır.
7. LG F80C3LD
İstehsalçı öz məhsullarına 10 illik zəmanət verir. Bu da istismarın uzunmüddətli olacağına ümüd verir. Suyun istifadə məbləğini hesablayan ağıllı sistemi var.
Qiyməti təqribən 800 manatdır.
