Dünyada indiyədək mövcud olan quruluşlarda və ölkələrdə məsələlərə fərqli baxılıb. Biznes də istisna deyil. Bir ölkə üçün böyük imkan olan faktor digərində əsl problem olub və ya əksinə. FED.az xarici mətbuata istinadən müxtəlif quruluşlardakı biznes və idarəetmə yanaşmalarının fərqini iki inəyin misalında göstərir. Sizcə hansı yaxşıdır?
Kommunizm
– Sizin 2 inəyiniz var. Dövlət hər ikisini əlinizdən alır və sizə bir az süd verir.
Sosializm
- Sizin 2 inəyiniz var. Siz inəklərdən birini qonşunuza verirsiz.
Faşizm
- Sizin 2 inəyiniz var. Dövlət hər ikisini əlinizdən alır və sizə bir az süd satır.
Bürokratizm
- Sizin 2 inəyiniz var. Dövlət hər ikisini əlinizdən alır, birini güllələyib öldürür, digərini sağıb südünü zibilə atır.
Ənənəvi kapitalizm
– Sizin 2 inəyiniz var. Birini satırsız və öküz alırsız. Mal-qara sürüsü artır və iqtisadiyyat inkişaf edir. Daha sonra sürünü satırsız əldə olunan gəlirlə təqaüdə çıxırsız.
Riskli Kapitalizm
– Sizin 2 inəyiniz var. Siz bankda qaynınız tərəfindən açılmış akkreditivdən istifadə edərək onlardan 3-nü açıq səhmdar cəmiyyətinə satırsız. Daha sonra 5 inəkdən vergi tutmamaq şərtilə 4 inəyi geri almaqla birləşmiş ümumi təklif əsasında borc öhdəliklərini dəyişirsiz. 6 inəyinizin südvermə hüquqları vasitəçinin iştirakı ilə gizli şəkildə çoxsaylı səhmdarın sahib olduğu Kayman Adası Şirkətinə ötürülür. Hansı ki, bu şirkət 7 inəyin südvermə hüquqlarını yenidən sizin açıq səhmdar cəmiyyətinə satır. İllik hesabatda şirkət 8 inəyə (daha 1 inək seçimi olmaqla) malik olduğunu göstərir.
İtaliya Korporasiyası
– Sizin 2 inəyiniz var. Lakin siz onların harada olduğunu bilmirsiz. Siz nahar etməyə qərar verirsiz.
Fransa Korporasiyası
– Sizin 2 inəyiniz var. Siz tətil edirsiz, iğtişaş törədirsiz, yolları kəsirsiz. Çünki siz 3 inəyə sahib olmaq istəyirsiz.
Amerika Korporasiyası
– Sizin 2 inəyiniz var. Onlardan birini satırsız, digərini 4 inəyin südünü verməyə məcbur edirsiz. Daha sonra inəyinizin niyə öldüyünü təhlil etməsi üçün bir ekspert çağırırsız.
İsveçrə Korporasiyası
– Sizin 5 min inəyiniz var. Onların heç biri, əslində, sizə məxsus deyil. Sürünü saxladığı üçün sahibindən pul alırsız.
İrlandiya Korporasiyası
– Sizin 2 inəyiniz var. Onlardan biri, əslində, atdır.
Avstraliya Korporasiyası
– Sizin 2 inəyiniz var. Biznes yaxşı gedir. Beləliklə, siz ofisi bağlayırsız və bunu qeyd etmək üçün pivə içməyə gedirsiz.
Çin Korporasiyası
– Sizin 2 inəyiniz var. Bu 2 inəyi 300 nəfər sağır. Siz iddia edirsiz ki, ölkədə 100 faiz məşğulluq və mal-qara məhsuldarlığı var. Vəziyyətin əslində necə olduğunu göstərən müxbiri isə həbs edirsiz.
Hindistan Korporasiyası
– Sizin 2 inəyiniz var. Siz onlara sitayiş edirsiz.
İraq Korporasiyası
– Hamı elə hesab edir ki, sizin çoxlu inəyiniz var. Siz isə onlara bircə dənə də inəyiniz olmadığını başa salmağa çalışırsız. Heç kim sizə inanmır və sizi öldürərək ölkəni işğal edirlər. İstənilən halda sizin inəyiniz yoxdur, buna baxmayaraq, sizin ölkəniz demokratikləşmiş olur.
Böyük Britaniya Korporasiyası
– Sizin 2 inəyiniz var. Hər ikisi quduzdur.
Yunan Korporasiyası
– Sizin Fransa və Almaniyadan borc aldığınız 2 inəyiniz var. Siz onların hər ikisini yeyirsiz. Banklar onların südünü toplamağı tələb edir. Siz isə bu tələbi təmin edə bilməyəcəyini bildirib Beynəlxalq Valyuta Fonduna müraciət edirsiz. Beynəlxalq Valyuta Fondu sizə 2 inək borc verir. Siz hər iki inəyi yeyirsiz. Banklar və Beynəlxalq Valyuta Fondu inəkləri və südü toplamağı tələb edir. Siz isə saçlarını kəsdirirsiz.
