Bakıda köhnə maşınların lizinqlə barteri başladı

Bakıda ikinci əl avtomobilləri Çin avtomobilləri ilə dəyişmək mümkün olacaq. Yeniliyi Çin avtomobillərinin Azərbaycanda rəsmi təmsilçisi “Sirena Motors� həyata keçirir.
Şirkətdən Fins.az-a verilən məlumata görə, istehsal yeri və markadan aslı olmayaraq istehsal tarixi 1998-ci ildən yuxarı olan bütün köhnə avtomobilləri Çin avtomobilləri ilə barter etmək mümkündür. Barter həm köhnə, həm də yeni “Baic�, “GAC� və “Changan� modelləri ilə aparıla bilər.
“Sirena Motors�dan bildirilib ki, ikinci əl avtomobilləri hətta lizinq şərtilə də barteri mümkündür. Bunun üçün dəyişdiriləcək avtomobilin dəyəri ya yeni avtomobilin ilkin ödəniş həcmində olmalıdır, ya da əlavə ödəniş edilməlidir.
Qaydalara görə, şirkətin mütəxəssisləri əvvəlcə müştərinin dəyişmək istədiyi avtomobilin bazar dəyərini müəyyən edir. Daha sonra seçilən avtomobilə uyğun olaraq əlavə ödənişlə barter edilir. Məsələn, 8 min manatlıq avtomobili lizinqlə “Changan GS4� avtomobili ilə barter etmək istəyən müştərilər ilkin ödəniş üçün əvvəlcə 2 min manat ödəməlidir, qalan məbləği isə aylıq hissə-hissə ödəyə bilərlər.
“Sirena Motors�dan onu da deyiblər ki, iqtisadi durğunluq avtomobil bazarında durğunluq yaratdığına görə müştərilər yeni avtomobil almaq üçün köhnə avtomobillərini dərhal sata bilmirlər. Yeni kampaniyanın keçirilməsində də məqsəd Çin avtomobillərini almaq istəyən, amma bunun üçün əvvəlki avtomobilini sata bilməyən müştərilərə yardımçı olmaqdır.